İyulun 9-da 210, 212, 1601, 1602 və 1701-ci qabiliyyət imtahanı komissiyaları üzrə abituriyentlərin imtahan nəticələri ilə bağlı müraciətlərinə baxılacaq

3, 4, 7 və 8 iyul 2025-ci il tarixlərində olan qabiliyyət imtahanlarının nəticələri ilə bağlı müraciətlərə baxılması üçün Dövlət İmtahan Mərkəzi tərəfindən apellyasiya komissiyası təşkil ediləcək. Komissiya 210, 212, 1602-ci komissiyalar üzrə rəsm, 1601-ci komissiya üzrə rəngkarlıq, 1701-ci komissiya üzrə isə yapma fənni ilə bağlı müraciətlərə baxacaq.

Apellyasiya komissiyası 9 iyul  2025-ci il tarixində saat 09:00-dan 14:00-dək fəaliyyət göstərəcək.

Apellyasiya komissiyasına müraciət etmək istəyən abituriyentlər şəxsiyyət vəsiqəsi və imtahana buraxılış vərəqəsi ilə birlikdə şəxsən binaya yaxınlaşıb, ərizə yazmalıdırlar. Abituriyentlərin müraciətlərinə yerində baxılacaq.