Təsviri sənət istiqaməti üzrə Naxçıvan şəhərində qabiliyyət imtahanı vermiş abituriyentlərin nəzərinə!

8 və 10 iyul 2025-ci il tarixlərində Naxçıvan şəhərində keçirilmiş qabiliyyət imtahanlarının nəticələri ilə bağlı müraciətlərə baxılması üçün Dövlət İmtahan Mərkəzi tərəfindən apellyasiya komissiyası təşkil ediləcək. Komissiya 211, 1602 və 10-cu komissiyalar üzrə rəsm fənni ilə bağlı müraciətlərə baxacaq.

Apellyasiya komissiyası 15 iyul 2025-ci il tarixində saat 10:00-dan 13:00-dək fəaliyyət göstərəcək.

Apellyasiya komissiyasına müraciət etmək istəyən abituriyentlər şəxsiyyət təsdiq edən sənədin əsli və imtahana buraxılış vərəqəsi ilə birlikdə şəxsən binaya yaxınlaşıb ərizə yazmalıdırlar. Abituriyentlərin müraciətlərinə yerində baxılacaq.

Qeyd: Təsviri incəsənət müəllimliyi ixtisasının daxil olduğu 13-cü komissiya üzrə  apellyasiya müraciətlərinin elektron formada qəbul olunması nəzərdə tutulur. 13-cü komissiya üzrə qabiliyyət imtahanları yekunlaşdıqdan sonra bu barədə ətraflı məlumat veriləcək.