Təsviri sənət istiqamətinə aid 15 və 211-ci qabiliyyət imtahanı komissiyaları üzrə abituriyentlərin nəticələri ilə bağlı müraciətlərinə baxılacaq

21-23 iyul 2025-ci il tarixlərində Bakı şəhəri 167 nömrəli tam orta məktəbdə keçirilən qabiliyyət imtahanlarının nəticələri ilə bağlı müraciətlərə baxılması üçün Apellyasiya komissiyası təşkil ediləcək. Apellyasiya komissiyası 26 iyul 2025-ci il tarixində saat 09:00-dan 16:00-dək fəaliyyət göstərəcək.

Apellyasiya komissiyasına müraciət etmək istəyən abituriyentlər şəxsiyyəti təsdiq edən sənədin əsli və imtahana buraxılış vərəqəsi ilə birlikdə şəxsən binaya yaxınlaşıb, ərizə yazmalıdırlar. Abituriyentlərin müraciətlərinə yerində baxılacaq.